Пәләстиндики сайлам нәтиҗисии, исраилийә даирилирини әндишиләндүрди


2006-01-26
Share

"Хамас" партийисиниң пәләстин сайлимида көп авазға еришип ғәлибә қилиши, исраилийә даирилирини әндишиләндүрди. Исраилийә террорчи тәшкилат дәп қараватқан "хамас" нәччә йүзлигән исраийиликни өлтүргәндин сирт, йәнә йәһудийларниң дөлитини ағдуруп ташлашни тәшәббус қилған.

Ройтерс агентлиқиниң 26 ‏- январ күни бәргән хәвиригә қариғанда, пәләсстин миллий һакимийәт оргининиң баш министири әхмәт қурә, узундин бери һакимйәтни қолида тутуп туриватқан фатах партийиси сайламда йеңилгәндин кейин, дәрһал истипа бәргән.

"Хамас" тәшкилати өзлириниң дәрһал, фатах партийисиниң рәһбири махмут аббас билән музакирилишип, фатах вә башқа партийиләр билән сиясий һәмкарлиқ орнитиш һәққидә сөһбәт елип баридиғанлиқини билдүрди.

Бу арида, исраилийә даирилири хамас һәрикитини өз иичгә алған бир һөкүмәт билән мунасивәт орнатмайдиғанлиқини билдүрди.

Махмут аббас һәр қайси партийә вә тәшкилатларни, сайлам нәтиҗисини һөрмәт қилишқа чақириватқан бир пәйттә, америка һәмдә яврупа һөкүмәтлири сайлам нәтиҗисидин мәйданға кәлгән әндишисини йошуралмайдиғанлиқини ипадилиди.

Пәләстинниң фатах рәһбәрлиридин бири болған әрәкатниң билдүрүшичә, махмут аббас һөкүмәт вәзиписини хамасқа тапшуруп беридикән, лекин фатах партийиси мәзкур һөкүмәт билән бирликкә кәлмәйдикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт