Pelestindiki saylam netijisi'i, isra'iliye da'irilirini endishilendürdi


2006-01-26
Share

"Xamas" partiyisining pelestin saylimida köp awazgha ériship ghelibe qilishi, isra'iliye da'irilirini endishilendürdi. Isra'iliye térrorchi teshkilat dep qarawatqan "xamas" nechche yüzligen isra'iyilikni öltürgendin sirt, yene yehudiylarning dölitini aghdurup tashlashni teshebbus qilghan.

Roytérs agéntliqining 26 ‏- yanwar küni bergen xewirige qarighanda, pelesstin milliy hakimiyet orginining bash ministiri exmet qure, uzundin béri hakimyetni qolida tutup turiwatqan fatax partiyisi saylamda yéngilgendin kéyin, derhal istipa bergen.

"Xamas" teshkilati özlirining derhal, fatax partiyisining rehbiri maxmut abbas bilen muzakiriliship, fatax we bashqa partiyiler bilen siyasiy hemkarliq ornitish heqqide söhbet élip baridighanliqini bildürdi.

Bu arida, isra'iliye da'iriliri xamas herikitini öz i'ichge alghan bir hökümet bilen munasiwet ornatmaydighanliqini bildürdi.

Maxmut abbas her qaysi partiye we teshkilatlarni, saylam netijisini hörmet qilishqa chaqiriwatqan bir peytte, amérika hemde yawrupa hökümetliri saylam netijisidin meydan'gha kelgen endishisini yoshuralmaydighanliqini ipadilidi.

Pelestinning fatax rehberliridin biri bolghan erekatning bildürüshiche, maxmut abbas hökümet wezipisini xamasqa tapshurup béridiken, lékin fatax partiyisi mezkur hökümet bilen birlikke kelmeydiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet