Namayishchilar abbasning istipa bérishini telep qildi


2006-01-27
Share

Fatax herikitining pelestin parlamént saylimidiki meghlubiyitidin kéyin, fatax herikitining qollighuchiliri jüme küni gazada namayish ötküzüp, pelestin aptonomiyisining rehbiri maxmud abbastin istipa bérishni telep qildi. Namayishchilar, fatax herikitini xiyanetchilik we iqtidarsizliq bilen eyibligen.

Birleshme axbarat agéntliqining eskertishiche, pelestin parlamént saylimida islami radikal küchler xamas herikitining ghelibe qilishida, fataxning ichki qisimidiki xiyanetchilik setchiliki we hakimiyet bashqurushtiki iqtidarsizliqi sewebchi bilghan. Xamas saylamda pelestin parlaméntidiki 132 orunning 76 sini igilep, pelestin hökümitini teshkillesh hoquqigha érishken idi.

Maxmud abbasning ashkarilishiche, u xamastin hökümet qurush pilanini telep qilghan. Xamas herikiti fatax bilen " hemkarlishish we shériklishish " yolliri üstide izdiniwatqanliqini bildürmekte. Xamas saylamda ghelibe qilghandin kéyin, xelq'ara jem'iyetning zorawanliq heriketliridin waz kéchish toghrisidiki jiddiy bésimigha düch keldi.

Gherb elliri, xamas isra'iliyini xeritidin yoqitish pilanidin waz kechmigiche pelestin'ge béridighan yardemning toxtitilidighanliqini agahlandurmaqta. Fatax herikitining qollighuchiliri namayish jeryanida fatax herikitining barliq rehberliridin istipa bérishni telep qilghan. Namayishchilar arisida fatax herikitining qoralliq qanitidin el - aqsa brigadisining ademlirimu bar iken. Bu arida b b s ning xewerqilishiche, gazadiki xan yunus shehiri etrapida xamasning qollighuchiliri bilen fatax terepdarliri arisida toqunush kélip chiqip, 3kishi yarilan'ghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet