Amérika b d t din xitaydiki pilanliq tughut programmisini toxtitishini telep qildi


2005-06-23
Share

Amérika hökümiti birleshken döletler teshkilati nopus idarisidin, xitay hökümiti pilanliq tughut siyasitini yüzgüzüshte ishlitiwatqan mejburlash, mejburi bala aldurush shundaqla puqralarni bir perzentlik siyasitige boysundurush yolida jazalashni toxtatmighiche, xitayda élip bériwatqan a'ile pilani programmimisni tonglitishini telep qildi.

Amérika hökümiti axirqi 3 yildin béri, amérikining b d t nopus fondi jem'iyitige béridighan 33 milyon dollar yardem pulini toxtitip qoyghan. Amérika hökümiti birleshken döletler teshkilati nopus fondi jem'iyitini xitayning mejburlash, mejburi bala aldurushqa tayan'ghan pilanliq tughut siyasitige yardem bérish bilen eyiblimekte.

Emma, b d t nopus fondi jem'iyiti amérika hökümitining eyibleshlirini asassiz dep, ret qilmaqta. B d t nopus fondi jem'iyiti, amérika hökümitining bu heqtiki bir doklatidimu, nopus fondi jem'iyitining xitayda " mejburi bala aldurush yaki mejburi qisirlashturushni bilip turup qollighanliqi toghrisida héchqandaq ispat yoq, dep tekitlen'genlikini bayan qilmaqta.

Lékin amérika tashqi ishlar ministirliqining nopus we musapirlar ishliridin mes'ul mu'awin yardemchi tashqi ishlar ministiri kélliy riyan, charshenbe küni b t d nopus fondi jem'iyitining ijra'iye yighinida, xitayning mejburlash xaraktérlik pilanliq tughut siyasitini meblegh bilen teminlesh, xitay hökümiti bu siyasetni b d t ning testiqi bilen yürgüzüwatqandek bir tessewwur peyda qilidu dep körsetti. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet