Polsha teptish organliri 1981 - yili herbiy halet yürgüzgen sabiq prézidént üstidin sotqa shikayet sundi
2007.05.03
Polsha teptish organliri 1981 - yili polshada herbiy halet yürgüzüsh buyruqi chüshürgen sabiq prézidént yaluzérskini éghir kommunizm jinayiti' ötküzdi dep eyiblep sotqa shikayet sun'ghan. Fransiye agéntliqining xewirige qarighanda, eger bu shikayet sotta ghelibe qilsa, 83 yashliq kommunist yaluzérski 10 yilliq qamaq jazasigha höküm qilinishi mumkin.
Xewerde bayan qilinishiche yene, yaluzérski bilen bir qatarda sabiq polsha ishchilar partiyisi (kommunist partiye) we polsha herbiy qisimliridiki 8 neper emeldarning üstidinmu shikayet sunulghan.
Polshada 1981 - yili 12 - ayda herbiy halet yürgüzüsh buyruqi chüshürülgende, polshada ittipaq ishchilar uyushmisi qurulup, polsha xelqi ichide démokratik heriket nahayiti téz tereqqi qiliwatqan idi. (Weli)