Türkiyediki poyiz soqulush weqeside az dégende 4 kishi qaza tapti

Charshenbe küni türkiyining istanbul shehirige yéqin jayda ikki poyiz soqushup kétip, az dégende 4 kishining ölüshi we 70 nechche kishining yarilinishini keltürüp chiqarghan.

Türkiye tömür yol idarisidiki bir emeldarning fransiye axbarat agéntliqigha bildürüshiche, bu weqeni, soqulghan bir poyizning qizil chiraqtin ötüp kétishi keltürüp chiqarghan iken.

Buningdin bir ay burun oxshash rayonda, poyizning rélistin chiqip kétish weqesi yüz bérip, 37 kishi qaza tapqan we 80 din oshuq kishi yarilan'ghan idi.

Nöwette qutquzghuchi xadimlar bu weqede yarilan'ghanlarni ddoxturxanigha yötkesh bilen birge, poyézgha qamilip qalghan kishilerni qutquzush herikitini jiddiy élip barmaqta. (Peride)