Буш хитайға чәтәл пули тегишиш қиммитини әркин қоюветиш һәққидә бесим ишләтти


2005.04.20

Америка президенти җорҗ W буш, хитайниң нөвәттә хәлқ пулиниң тегишиш нисбитини бошитишни ойлишиватқанлиқини әскәртип, "америка, хитайниң тездин һәрикәт қоллинишини үмид қилиду" деди.

Президент буш сәйшәнбә күни америкидики CNBC йәни малийә иқтисад телевизийә истансисиниң зияритини қобул қилғанда бу сөзләрни қилған болуп, у йәнә, "һөкүмитимиздики һәр қайси орунларниң һәммиси дегүдәк изчил түрдә хитайни хәлқ пулиниң доллар билән болған тегишиш нисбитини қайта тәңшәшкә дәвәт қилип кәлдуқ" дәп билдүрди.

Мухбир президент буштин, хитай һөкүмитиниң хәлқаралиқ бесим астида буниңға инкас қайтуруш мумкинчиликиниң бар-йоқлиқини сориғанда, буш " буни қияс қилиш тәс. Чүнки хитай, рошәнлик дәриҗиси болмиған бир җәмийәт" дәп җаваб бәргән.

Америка дөләт мәҗлисидики бир қисим парламент әзалири хитайниң позитсийисигә нарази болуп, һәтта бейҗиңға җаза характеридики таможна беҗи қоюш тәклипини сунған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.