Америка хитайға қаратқан сияситини чиңитмақта

Франсийә ахбарат агентлиқиниң йәкшәнбә күнидики хәвиридин мәлум болушичә, америка һөкүмити барғансири хитайға қаратқан сода қатарлиқ мәсилиләрдики сияситини чиңайтишқа қарап йүзләнмәктә.

Хәвәрдә ейтилишичә, америка дөләт мәҗлиси барғансири хитайниң хәлқ пулиниң қиммитини төвән тутуп, сода тәтүр баланисини кәлтүрүп чиқириватқанлиқидин вә шималий корийә ядро мәсилисидә тәсир күчини ишлитиштин баш тартиватқанлиқидин әндишә қилип, америка һөкүмитигә хитайға техиму қаттиқ бир сиясәт йүргүзүш һәққидә бесим ишләтмәктә икән.

Хәвәрдә көрситилишичә, буниң тәсиридә, буш һөкүмити хитай сияситини барғансери чиңаймақта. Өткән икки һәптә ичидила буш һөкүмити хәлқ пулиниң тигишиш қиммитини қоюветиш мәсилисидә бейҗиңға қаратқан бесимни күчәйткән.

Америка юқири палатаси йәнә бу айда қарар мақуллап, әгәр хитай хәлқ пулиниң қиммитини алтә ай ичидә қайта баһалимиса, хитай маллириға 27.5٪ Таможна беҗи елишни музакирә қилишқа қошулған. Америкиниң сода вәкили намзати роб портмәнму өткән һәптә хитайға қарши қаттиқ позитсийини билдүрүп, әгәр у вәзипә өтисә, америка- хитай сода мунасивитини баштин ахир қайта көздин кәчүрүп чиқидиғанлиқини көрсәткән.

Буниңдин срт, америка йәнә хитайға шималий корийә мәсилисидә техиму көп күч чиқириш һәққидики бесимини күчәйткән. (Арзу)