Amérika xitaygha qaratqan siyasitini chingitmaqta


2005-04-24
Share

Fransiye axbarat agéntliqining yekshenbe künidiki xewiridin melum bolushiche, amérika hökümiti barghansiri xitaygha qaratqan soda qatarliq mesililerdiki siyasitini chingaytishqa qarap yüzlenmekte.

Xewerde éytilishiche, amérika dölet mejlisi barghansiri xitayning xelq pulining qimmitini töwen tutup, soda tetür balanisini keltürüp chiqiriwatqanliqidin we shimaliy koriye yadro mesiliside tesir küchini ishlitishtin bash tartiwatqanliqidin endishe qilip, amérika hökümitige xitaygha téximu qattiq bir siyaset yürgüzüsh heqqide bésim ishletmekte iken.

Xewerde körsitilishiche, buning tesiride, bush hökümiti xitay siyasitini barghanséri chingaymaqta. Ötken ikki hepte ichidila bush hökümiti xelq pulining tigishish qimmitini qoyuwétish mesiliside béyjinggha qaratqan bésimni kücheytken.

Amérika yuqiri palatasi yene bu ayda qarar maqullap, eger xitay xelq pulining qimmitini alte ay ichide qayta bahalimisa, xitay mallirigha 27.5٪ Tamozhna béji élishni muzakire qilishqa qoshulghan. Amérikining soda wekili namzati rob portmenmu ötken hepte xitaygha qarshi qattiq pozitsiyini bildürüp, eger u wezipe ötise, amérika- xitay soda munasiwitini bashtin axir qayta közdin kechürüp chiqidighanliqini körsetken.

Buningdin srt, amérika yene xitaygha shimaliy koriye mesiliside téximu köp küch chiqirish heqqidiki bésimini kücheytken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet