Хитай көчмәнлириниң росийидә көпийиши әндишиләрни қозғимақта


2004-10-07
Share

Росийиниң пиравислан диний җәмийәт рәһбәрлири, росийидики хитай көчмәнлириниң күнсери көпийиши вә хитайниң росийигә кеңийишидин қаттиқ әндишә қиливатқанлиқини билдүрди.

Америка авази радиосиниң хәвиридин мәлум болишичә, росийиниң пиравислан диний җәмийитиниң рәһбәрлири чаршәнбә күни росийә презденти виладемир путин билән мәхсус учришип, хитай көчмәнлириниң йирақ шәрқ вә сибирийә раюнлирида барғансири көпийип кетиватқанлиқини, бу хитайларниң росларни сиқип чиқириватқанлиқини шикайәт қилған.

Хитай билән чегридаш чита областидики пиравислан попи, хитайларниң росларға тигишлик хизмәтләрни тартивелип, росларни аилисини қамдиялмайдиған һаләткә чүшүрүп қойғанлиқини көрсәткән.

Диний рәһбәрләрниң әндишисигә қарита, росийә презденти виладемир путин,хитай көчмәнлирини хиристиян дининиң пиравислан мәзһибигә киргүзүш үчүн актип паалийәт елип бериш тәклибини бәргән. У йәнә, пиравислан диний җәмийәтлириниң хитайдики паалийәтлириниң тосқунлуққа учраш мәсилисини һәл қилип беридиғанлиқи һәққидә вәдә бәргән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт