Xitay köchmenlirining rosiyide köpiyishi endishilerni qozghimaqta


2004-10-07
Share

Rosiyining pirawislan diniy jem'iyet rehberliri, rosiyidiki xitay köchmenlirining künséri köpiyishi we xitayning rosiyige kéngiyishidin qattiq endishe qiliwatqanliqini bildürdi.

Amérika awazi radi'osining xewiridin melum bolishiche, rosiyining pirawislan diniy jem'iyitining rehberliri charshenbe küni rosiye prézdénti wiladémir putin bilen mexsus uchriship, xitay köchmenlirining yiraq sherq we sibiriye rayunlirida barghansiri köpiyip kétiwatqanliqini, bu xitaylarning roslarni siqip chiqiriwatqanliqini shikayet qilghan.

Xitay bilen chégridash chita oblastidiki pirawislan popi, xitaylarning roslargha tigishlik xizmetlerni tartiwélip, roslarni a'ilisini qamdiyalmaydighan haletke chüshürüp qoyghanliqini körsetken.

Diniy rehberlerning endishisige qarita, rosiye prézdénti wiladémir putin,xitay köchmenlirini xiristiyan dinining pirawislan mezhibige kirgüzüsh üchün aktip pa'aliyet élip bérish teklibini bergen. U yene, pirawislan diniy jem'iyetlirining xitaydiki pa'aliyetlirining tosqunluqqa uchrash mesilisini hel qilip béridighanliqi heqqide wede bergen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet