Putin xitay ziyaritide térrorchiliqqa qarshi turush mesilisini alahide tekitlidi


2004-10-14
Share

Rosiye prézdénti wiladémir putin bilen xitay dölet re'isi xujintaw peyshenbe küni béyjingda birleshme xitabname élan qilip, chéchen pida'iyliri we Uyghur musteqilchilirini birlikte basturidighanliqini bildürdi.

Roytirs axbarat agéntliqining xewirige qarighanda, wiladémir putin peyshenbe küni xitaygha qilidighan töt künlük ziyaritini bashlap, xitay dölet re'isi xujintaw bilen körüshken. Ularsöhbettin kiyin, ikki dölet soda hemkarliqini ilgiri süridighan kilishimlerni imzalighandin sirt, térrorchiliqqa qarshi birleshme xitabname élan qilghan.

Xitabnamide: "xelq'ara térrorchiliqqa qarshi turushta ikki xil ölchem qollinishqa bolmaydu. Rosiyidiki chéchen öktichiliri we xitaydiki Uyghur bölgünchiliri xelq'ara térrochiliqning bir qismi, ular xelq'ara térrorchiliqqa qarshi köreshning zerbe bérish nishani bolishi kérek" dep körsitilgen.

Wiladémir putin bu qétimqi üch künlük ziyaritide,rosiyining xitay bilen bolghan iqtisadiy hemkarliqini ilgiri sürüshni meqset qilidu. Xitay bolsa putinning ziyariti arqiliq, rosiye bilen énérgiye hemkarliqini kücheytishni ümid qilidu. Biraq, xewerge qarighanda, xitayning an'giriskiy néfit turuba yoli qurulushini xitaygha tutashturush ümidi köpükke aylan'ghan. Putin néfit turuba yoli qurulushi mesiliside xitaygha hichqandaq wede bermigen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet