Rusiye prézidénti pelestin bilen isra'iliyini ziyaret qildi
2005.04.29
Ottura -sherq elliride ziyaret sepiridiki rusiye prézidénti wladimir putin jüme küni pelestinni ziyaret qilip, rusiyining pelestin iqtisadigha we pelestin bixeterlik qisimlirini terbiyilesh yolida yardem bérishke teyyarliqini bildürdi.
Ottura -sherq elliride ziyaret sepiridiki rusiye prézidénti wladimir putin jüme küni pelestinni ziyaret qilip, rusiyining pelestin iqtisadigha we pelestin bixeterlik qisimlirini terbiyilesh yolida yardem bérishke teyyarliqini bildürdi. Rusiye prézidénti jüme küni gherbiy qirghaqtiki pelestin da'irilirining merkizi ramallahda maxmud abbas bilen uchrashti. Bu rusiye prézidéntining tunji qétim pelestinni ziyaret qilishi bolup hésablinidu.
Putin, buning bir kün aldida isra'iliyini ziyaret qilip, rusiye tarixidiki isra'iliyini ziyaret qilghan tunji rehber bolup qaldi. Prézidént putin maxmud abbas bilen ötküzgen birleshme axbarat élan qilish yighinida, " biz prézidént abbasning bixeterlik islahati shundaqla térorochiliqqa qarshi turush herikitini qollaymiz," didi.
Putin, rusiyining pelestin'ge tik uchar ayropilan we alaqilishish üsküniliri béridighanliqini bildürdi. U, pelestin rehbiri yasir arafatning qewrisige gülchembirek qoydi. Prézidént putin, pelestin'ge kélishning bir kün aldida isra'iliyini ziyaret qilip, rusiyining süriyige bashqurulidighan bomba sétish shundaqla iranni yadro esliheler bilen teminlesh pilani, isra'iliyige tehdit salmaydighanliqi toghrisida tél'awifni xatirjem qilish üchün tirishqan. Emma rusiye prézidénti bilen uchrashqan isra'iliye bash ministiri sharon, moskwa bilen süriye we iran otturisidiki bashqurulidighan bomba we yadro esliheler sodisigha qarshi turdi.
Rusiye, isra'iliye bilen 1991 - yilda diplomatik munasiwet ornatqan . Putinning isra'iliye ziyariti, rusiye - isra'iliye munaswitining yéngi dewrge qedem basqanliqini körsitidu, dep qarilidiken. (Erkin)
Munasiwetlik maqalilar
- Putin: sowét ittipaqining parchilinishi dunya siyasi jughrapiyisidiki zor palaket
- Kondoliza rays rusiye prézidénti wiladimir putin bilen körüshti
- Isra'iliye ichki kabinti gazadin chékinish pilanini maqullidi
- Pelestin we isra'iliye rehberliri toqunushni toxtitidighanliqini jakarlidi
- Pelestin bilen isra'iliye pat arida urush toxtitish kélishimi imzalishi mumkin