Putin gherbni agahlandurdi

Rusiye prézidénti wladimir putin 8- féwral küni shimaliy atlantik okyan ehdi teshkilatining sherqqe kéngiyishini agahlandurup, rusiyining buninggha nisbeten qorallirini yéngilaydighanliqini bildürgen.

Rusiye agéntliqlirining xewer qilishiche, putin gherbning rusiyini bihude eyiblishining namuwapiq ikenlikini körsitip, emeliyette rusiyining bu sekkiz yil ichide ma'ash we pénsiye sommilirining öskenliki, parixorluqning azlap, döletning xelq'ara sehnisidiki obrazining kötürülgenlikini, islahatlarning izchil dawamlishiwatqanliqini tekitligen. Emma, u rusiyining maliye we bashqurush hem ékologiyige buzghunchiliq élip kelmeydighan téxnologiyini tereqqi qildurush lazimliqinimu eskertip ötken. U, kelgüsi 10 yil ichide rusiyining dunya boyiche eng jelip qilarliq döletke aylinidighanliqini jakarlighan.

Rusiye prézidénti wladimir putinning möhliti 3-ayda toshidu. Nöwette, uning bash ministirlik wezipisini atqurup, bu döletni yenila idare qilishni xalaydighanliqi heqqide söz bolmaqta. Putin özining nutqida amérikining chéx jumhuriyiti we polshada bashqurulidighan bombidin mudapi'e körüsh sistémisi mesilisini tilgha alghan bolup, u nato we amérikining yadro pilanigha nisbeten rusiyining yéngi qorallirini ishlep chiqiridighanliqini qayta tekitligen. (Ümidwar)