Ukra'iniyede 90 neper xitay puqrasi qolgha élindi

Fransiye axbarat agéntliqining uchurigha qarighanda ukra'iniye chégra saqchi da'irilirining élan qilishiche shenbe küni 90 neper qanunsiz xitay köchmini ukra'iniyining shimalidiki polsha bilen chégrilinidighan jayda qolgha élin'ghan bolup, ikki dane chong tiptiki yük aptomobiligha olturghan bu xitay qachqunliri ukra'iniye chégrisi arqiliq polsha we uningdin kéyin gherbiy yawropa ellirige qéchishni meqset qilghan iken.

Igilinishiche, xitay qachqunliri aldi bilen rusiyige kélip, kéyin adem sodigerliri arqiliq gherbiy yawropagha oghirliqche ötküzilidiken. Ukra'iniye xitay qachaqlirining gherbiy yawropagha ötüshidiki muhim ötkel bolup hésablinidiken.

Xewerlerge qarighanda, yéqinqi yillardin buyan xitaylarning ukra'iniyege köplep kélip, qanunsiz ishlar bilen shughullinishi hemde u jaylarda nachar ishlarni qilghanliqi tüpeylidin ukra'inlarning xitay puqralirini bulash, ularni urush we öltürüsh weqeliri köpeymekte. (Ümidwar)