22 Нәпәр хитай қачақлири америкида қолға елинди


2006.04.06
Share on WhatsApp
Share on WhatsApp

Парахоттики йүк сандуқиға йошурунған 22 нәпәр хитай пуқраси, хитайдин вашингтон шитатиға тәвә сиятил шәһиригә қанунсиз қечип келип, сәйшәнбә күни америка сақчи даирилири тәрипидин қолға елинди.

Америка чегра мудапиә хадимлириниң чаршәнбә күни билдүрүшичә, улар сиятил портиниң чегра еғизида 18 нәпәр әр билән 4 нәпәр аялни байқиған, бу кишиләр йүк сандуқи ичидә 2 һәптигә йеқин йошурунған, әмма уларниң саламәтлики һечқандақ дәхлигә учримиған.

Сақчиларниң ейтишичә, 23 ‏- март күни шаңхәйдин айрилған йүк параходиға қачиланған мәзкүр йүк сандуқлири, америка чегра еғизиға кәлгәндә тәкшүрүлгән икән.

Хитайдики илан беши намидики, чәтәлләргә хитай пуқралирини йөткәйдиған қара гуруһ, узун йиллардин бери адәм қачуруш тиҗарити билән шоғуллинип кәлмәктә, илан беши қачақчилиқ гуруһи адәм бешиға аз дегәндә 35 миң америка доллири яки униңдин артуқ һәқ елиш арқилиқ хитай пуқралирини қанунсиз йоллар билән чәтәлләргә йөткәйду.

2000 ‏- 2001 ‏- Йили америкиниң сиятил шәһиридә тунҗи қетим илан беши қачақчилиқ дилоси йүз бәргән болуп, әйни чағда қачқунлардин бир қанчиси йүк сандуқи ичидә өлүп қалған. Америка даирилири һазирчә бу 22 кишини қандақ бир тәрәп қилиш һәққидә һечқандақ ипадә билдүрмиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.