22 Neper xitay qachaqliri amérikida qolgha élindi


2006.04.06
Share on WhatsApp
Share on WhatsApp

Paraxottiki yük sanduqigha yoshurun'ghan 22 neper xitay puqrasi, xitaydin washin'gton shitatigha tewe siyatil shehirige qanunsiz qéchip kélip, seyshenbe küni amérika saqchi da'iriliri teripidin qolgha élindi.

Amérika chégra mudapi'e xadimlirining charshenbe küni bildürüshiche, ular siyatil portining chégra éghizida 18 neper er bilen 4 neper ayalni bayqighan, bu kishiler yük sanduqi ichide 2 heptige yéqin yoshurun'ghan, emma ularning salametliki héchqandaq dexlige uchrimighan.

Saqchilarning éytishiche, 23 ‏- mart küni shangxeydin ayrilghan yük paraxodigha qachilan'ghan mezkür yük sanduqliri, amérika chégra éghizigha kelgende tekshürülgen iken.

Xitaydiki ilan béshi namidiki, chet'ellerge xitay puqralirini yötkeydighan qara guruh, uzun yillardin béri adem qachurush tijariti bilen shoghullinip kelmekte, ilan béshi qachaqchiliq guruhi adem béshigha az dégende 35 ming amérika dolliri yaki uningdin artuq heq élish arqiliq xitay puqralirini qanunsiz yollar bilen chet'ellerge yötkeydu.

2000 ‏- 2001 ‏- Yili amérikining siyatil shehiride tunji qétim ilan béshi qachaqchiliq dilosi yüz bergen bolup, eyni chaghda qachqunlardin bir qanchisi yük sanduqi ichide ölüp qalghan. Amérika da'iriliri hazirche bu 22 kishini qandaq bir terep qilish heqqide héchqandaq ipade bildürmidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet