ئامېرىكا دۆلەت مەجلىسى جۇڭگوغا مۇناسىۋەتلىك قارار ماقۇللىدى


2006-05-26
Share

ئامېرىكا دۆلەت مەجلىسى ئاۋام پالاتاسىنىڭ خەلقئارا مۇناسىۋەتلەر كومىتېتى 3 تۈرلۈك قارار ماقۇللاپ، خىتاينى دىنىي ئىبادەت ئەركىنلىكى ۋە 4 - ئىيۇن تيەنئەنمىن ۋەقەسىنىڭ 17 يىللىقىنى خاتىرلەش پائالىيىتىگە زىيانكەشلىك قىلىشنى كۈچەيتىش بىلەن ئەيىبلىدى.

ئاۋام پالاتاسى پەيشەنبە كۈنى ماقۇللىغان - 13نومۇرلۇق قارارنىڭ 3 ماددىسى خىتايغا مۇناسىۋەتلىك بولۇپ، قارار لايىھىسىنىڭ 608 - ماددىسىدا " جۇڭگونىڭ دىنىي زىيانكەشلىكنى كۈنسېرى كۈچەيتىۋاتقانلىقىنى تەنقىد قىلىمىز" دېيىلگەن. 804 - ماددىسىدا خىتاينىڭ كاتولىك چېركاۋلىرىغا " رىم ۋاتىكانىنىڭ رۇخسىتىسىز بىشوپ تەيىنلىگەنلىكى ئەيىبلەنگەن" . قارار لاھىيىسىنىڭ 794 - ماددىسىدا " تيەنئەنمىن ۋەقەسىنىڭ 17 يىللىقىنى خاتىرلەيدىغانلىقىنى" بىلدۈرگەن.

بۇ يىل - 4 ئىيۇن كۈنى تيەنئەنمىن ۋەقەسىگە 17 يىل بولىدۇ. تيەنئەنمىن ۋەقەسىنى خاتىرىلەش تەكلىپ لايىھىسىنى ئاۋام پالاتا ئەزاسى كرىستوفىر سىمىس ئوتتۇرىغا قويغان بولۇپ، ئۇ " تيەنئەنمىن ۋەقەسىنى ئۇنۇتماسلىق كېرەك " دېدى. كرىستوفىر سىمىسنىڭ ئەسكەرتىشىچە، تيەنئەنمىن ۋەقەسىدە دېموكراتىيە ۋە ئەركىنلىك ئۈچۈن ئۆزىنى ئاتىغان نۇرغۇن ياشلار ئۆلتۈرۈلگەن. ئۆلۈم جازاسىغا بۇيرۇلغان ۋە ئەمگەك بىلەن ئۆزگەرتىش لاگىرلىرىغا سۈرگۈن قىلىنغان. ئۇ، " بۇ ۋەقە پۈتۈن دۇنيا خەلقىنىڭ كۆز ئالدىدىن غايىپ بولماسلىقى كېرەك " دەيدۇ.

كرىستوفىر سىمىسنىڭ ئەسكەرتىشىچە، بۇ 17 يىل جەريانىدا خىتاي بويىچە كۆزگە كۆرۈنەرلىك چوڭ ۋەقە يۈز بەرمىگەن بولسىمۇ، لېكىن تيەنئەنمىن ۋەقەسىدىكى ئەھۋاللار ھەر كۈنى دېگۈدەك سادىر بولماقتا. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت