Америка дөләт мәҗлиси җуңгоға мунасивәтлик қарар мақуллиди


2006-05-26
Share

Америка дөләт мәҗлиси авам палатасиниң хәлқара мунасивәтләр комитети 3 түрлүк қарар мақуллап, хитайни диний ибадәт әркинлики вә 4 - июн тйәнәнмин вәқәсиниң 17 йиллиқини хатирләш паалийитигә зиянкәшлик қилишни күчәйтиш билән әйиблиди.

Авам палатаси пәйшәнбә күни мақуллиған - 13номурлуқ қарарниң 3 маддиси хитайға мунасивәтлик болуп, қарар лайиһисиниң 608 - маддисида " җуңгониң диний зиянкәшликни күнсери күчәйтиватқанлиқини тәнқид қилимиз" дейилгән. 804 - Маддисида хитайниң католик черкавлириға " рим ватиканиниң рухситисиз бишоп тәйинлигәнлики әйибләнгән" . Қарар лаһийисиниң 794 - маддисида " тйәнәнмин вәқәсиниң 17 йиллиқини хатирләйдиғанлиқини" билдүргән.

Бу йил - 4 июн күни тйәнәнмин вәқәсигә 17 йил болиду. Тйәнәнмин вәқәсини хатириләш тәклип лайиһисини авам палата әзаси кристофир симис оттуриға қойған болуп, у " тйәнәнмин вәқәсини унутмаслиқ керәк " деди. Кристофир симисниң әскәртишичә, тйәнәнмин вәқәсидә демократийә вә әркинлик үчүн өзини атиған нурғун яшлар өлтүрүлгән. Өлүм җазасиға буйрулған вә әмгәк билән өзгәртиш лагирлириға сүргүн қилинған. У, " бу вәқә пүтүн дуня хәлқиниң көз алдидин ғайип болмаслиқи керәк " дәйду.

Кристофир симисниң әскәртишичә, бу 17 йил җәрянида хитай бойичә көзгә көрүнәрлик чоң вәқә йүз бәрмигән болсиму, лекин тйәнәнмин вәқәсидики әһваллар һәр күни дегүдәк садир болмақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт