Amérika dölet mejlisi junggogha munasiwetlik qarar maqullidi

Amérika dölet mejlisi awam palatasining xelq'ara munasiwetler komitéti 3 türlük qarar maqullap, xitayni diniy ibadet erkinliki we 4 - iyun tyen'enmin weqesining 17 yilliqini xatirlesh pa'aliyitige ziyankeshlik qilishni kücheytish bilen eyiblidi.

Awam palatasi peyshenbe küni maqullighan - 13nomurluq qararning 3 maddisi xitaygha munasiwetlik bolup, qarar layihisining 608 - maddisida " junggoning diniy ziyankeshlikni künséri kücheytiwatqanliqini tenqid qilimiz" déyilgen. 804 - Maddisida xitayning katolik chérkawlirigha " rim watikanining ruxsitisiz bishop teyinligenliki eyiblen'gen" . Qarar lahiyisining 794 - maddisida " tyen'enmin weqesining 17 yilliqini xatirleydighanliqini" bildürgen.

Bu yil - 4 iyun küni tyen'enmin weqesige 17 yil bolidu. Tyen'enmin weqesini xatirilesh teklip layihisini awam palata ezasi kristofir simis otturigha qoyghan bolup, u " tyen'enmin weqesini unutmasliq kérek " dédi. Kristofir simisning eskertishiche, tyen'enmin weqeside démokratiye we erkinlik üchün özini atighan nurghun yashlar öltürülgen. Ölüm jazasigha buyrulghan we emgek bilen özgertish lagirlirigha sürgün qilin'ghan. U, " bu weqe pütün dunya xelqining köz aldidin ghayip bolmasliqi kérek " deydu.

Kristofir simisning eskertishiche, bu 17 yil jeryanida xitay boyiche közge körünerlik chong weqe yüz bermigen bolsimu, lékin tyen'enmin weqesidiki ehwallar her küni dégüdek sadir bolmaqta. (Erkin)