Sérbiye qara taghlarning musteqilliqini étirap qildi

Sérbiye hökümiti, uzun yillar sérbiye bilen bir fédératsiye ichide yashighandin kéyin, 6 – ayning béshida musteqilliqini élan qilghan qaratagh dölitini étirap qildi.

Qaratagh xelqi ötken ay qarataghning musteqilliqi mesiliside élip bérilghan xelqning rayini sinashta, sérbiyedin ayrilip musteqil bolushni xalaydighanlqi'ini ipadiligen idi.

Nopusi 1 milyon'gha yetmeydighan qara taghlar heqqide bayanat élan qilghan bélgrad hökümiti özlirining , qara tagh jumhuriyitini étirap qilish üchün ular bilen diplomatik munasiwet ornitishqa kérek bolghan shara'itlarni hazirlighanliqini bildürdi, shuningdek qara taghning xoshna döletler bilen dostluq ornitishigha yardem béridighanliqini tekitligen.

Bu arida , en'giliye, xitay we türkiye qatarliq bir qanche dölet hemde yawropa ittipaqi , qara tagh dölitini resmiy étirap qilip uning bilen munasiwet ornitidighanliqini bildürdi.

Gerche sérbiyelikler bilen qara taghlar uzun dewirlerdin buyan bir fédératsiye ichide yashighan bolsimu emma, sérbiyelikler qara taghlarning ulardin ayrilip yashash erkinlikini özlirige tapshurulghan we netijide qaratagh xelqi musteqilliqni talliwalghan idi.