Nursultan nazarbayéf 9 - ay aq sarayni ziyaret qilidu


2006.09.13
Share on WhatsApp
Share on WhatsApp

Qazaqistan uchur agéntliqi prézidént nursultan nazarbayéfning bu ayning 29-küni amérikini ziyaret qilip, aq sarayda prézidént jorji bush bilen körüshidighanliqini resmiy xewer qildi.

Qazaqistanning amérikidiki bash elchisi qanat sa'udabyéf nursultan nazarbayéfning ziyaritining ikki terepning istratégiyilik hemkarliqlirini kücheytishni meqset qilidighanliqini, yéqinqi yillardin buyan amérikida qazaqistanning ishenchilik dost ikenlikige bolghan chüshinishning chongqurlashqanliqi, chünki amérika qoshma shitatlirining térrorizmgha qarshi urush, ammiwi qirghin qilish xaraktérliq qorallarni cheklesh, énérgiye bixeterliklini temin étish we erkinlik hem démokratiyini ilgiri sürüsh jehetlerde qazaqistan bilen köpligen ishlarni birlikte qilghanliqi"ni bildürdi.

U, sözide yene nazarbayéfning aq sarayda jorji bush bilen uchrishishining ikki dölet xelqlirining dostluqini kücheytip, qazaqistan bilen amérika qoshma shitatlirining istratégiyilik hemkarliq munasiwetlirining yéngi sewiyisini yaritidighanliqini tekitlidi.

Buningdin bir qanche aylar ilgiri amérikining mu'awin prézidénti dik chéniy astanani ziyaret qilghan bolup, hazir amérikining yéqindin buyan qazaqistan bilen bolghan herbiy-siyasiy we iqtisadiy munasiwetlerge yéqindin köngül boluwatqanliqi otturigha qoyulmaqta. Bir qisim közetküchiler, qazaqistanning iqtisadiy tereqqiyati we dölet abroyining éshishining uning kelgüside ottura asiya rayonidiki bashlamchi döletke aylinish mumkinchilikige ige ikenlikini körsitishmekte.

Qazaqistan uchurlirigha asaslan'ghanda, nursultan nazarbayéf pakistan islam inistituti teripidin 2006-yilliq nobél mukapatining namzatliqigha körsitilgen bolup, Uyghur milliy herikitining rehbiri rabiye qadir xanimmu nobél tinchliq mukapatining namziti bolghan idi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet