Kishilik hoquqni közitish teshkilati: kishilik hoquqni bixeterlikke qurban qiliwétishke bolmaydu


2007-08-17
Share

Merkizi nyuyorktiki kishilik hoquqni közitish teshkilati bayanat élan qilip, shangxey guruhidiki döletlerni qirghizistan paytexti bishkektiki bashliqlar yighinida kishilik hoquqni jari qildurushtiki hel qilghuch pursetni qoldin bérip qoydi, dep eyiblidi shundaqla qirghizistan da'irilirining yighin jeryanida kishilik hoquqni chekleydighan bixeterlik tedbirliri alghanliqini eyiblidi.

Qirghizistan hökümiti yighindin burun we yighin jeryanida bishkektiki yerlik Uyghurlarni ular bi'aram bolidighan wasitilar bilen tekshürüpla qalmay, amérika herbiy bazisini saqlap qélishni telep qilip namayish qilghan bezi Uyghurlarni qolgha alghan we nurghun Uyghur tijaretchilerni chégridin qoghlap chiqarghan.

Kishilik hoquqni közitish teshkilatining yawropa we ottura asiya ishlar mes'uli xolléy kartnér bu heqtiki bayanatida"shangxey guruhining nizamnamisida kishilik hoquqni we asasi erkinlikni qoghdash heqqide maddilar bar bolsimu, lékin bu ölük nersige aylinip qaldi. Bu teshkilattiki döletler kishilik hoquq bilen bixeterlik bir - birige qarshi nersiler emes, belki bir - biri bilen munasiwetlik ikenlikini bilishi kérek," deydu.

Bayanatta, qirghizistan Uyghur kishilik hoquqi teshkilatining rehbiri tursun islam we uning oghli elishirning 30 - iyul küni béshkektiki amérika elchixanisi aldida namayish qilip, gherb ellirini qirghizistanda démokratiye we kishilik hoquqni ilgiri sürüshke chaqirsa, qirghiz saqchilarning tursun islamning oghli elishirni qolgha alghanliqini we elishirning bir qanche kün'giche tutup turulghanliqini eyiblidi. Xolléy kartnér," qirghiz da'iriliri üstige élishqa tégishlik kishilik hoquq mejburiyitini yighinning bixeterlikini qoghdash bahanisida bir chetke qayrip qoydi," dep körsetti.

Shangxey hemkarliq teshkilatidiki döletlerning béshkektiki bashliqlar yighini peyshenbe küni axirlashqan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet