Qirghizistanning asasliq öktichi partiyilirining biri qirghizistanning rusiye bilen bir fdratisiye qurushni teklip qildi


2007.06.02

Shenbe küni, qirghizistanning asasliq öktichi partiyilirining béri hésablan'ghan " qirghizistanning kélechiki üchün birleshme front" qirghizistanning rusiye bilen bir fdratisiye qurushni teklip qildi.

Birleshme agéntliqining qirghizistanning paytexti béshkekdin xewer qilishiche, "birleshme front" ning re'isi sabiq qirghizistan bash ministiri filiks qoluf, rusiye bilen qirghizistan otturisida bir fdratisiye qurush mesilside rifrandom ötküzüshni xalaydighanliqini bildürgen.

Xewerde éytilishiche, qoluf, fdratiyisining qandaq bolidighanliqi heqqide éniq birnéme démigen, lékin bu fransiyining oxshash pul ishlitishi kéreklikini, tamozhna ishlirining rusiye bilen birge élip bérilishi kéreklikini otturigha qoyghan.

U ning éytishiche, birleshme front, mezkur partiyining 7‏- ayda ötküzülidighan qurultiyighiche, rusiye bilen fdratisiye qurush mesilsini xelqning rayigha qoyush üchün kéreklik bolghan 3 yüz ming imza yéghidiken.

Emma, qirghizistandiki bashqa siyasiy öktichiler shundaqla rusiye rehberliri bu teklipni ret qilip, bu teklipning emelge éshishi qiyin dep, körsetmekte.

Rusiye parlaméntning mu'awin re'isi olég morozof, bu peqet bir terepning qarari bilen boludighan ish emes. Hazirghiche bu mesile heqqide rusiyide héchqandaq munazire élip bérilmidi, dégen. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.