Қизил мәсчитлик талиплар рәһбири өлсиму тәслим болмамду ?


2007-07-06
Share

Пакистан пайтәхти исламабадтики қизил мәсчитлик талиплар рәһбири өлсиму тәслим болмайдиғанлиқини билдүрди. Пакистан мәтбуатлириниң хәвәр қилишичә, абдулрәшид ғази, " биз шеһид болушқа разимизки, тәслим болушни халимаймиз" дәп тәкитлигән.

Абдулрәшид ғази буниңдин бурун бәзи шәртләр астида мәсчиттин айрилишқа мақул болидиғанлиқини билдүргән болуп, бу шәртләр арисида абдулрәшидниң кесәлмән анисини давалаш қатарлиқлар бар иди. Абдулрәшид ғазиниң акиси мәвланә абдуләзиз болса пәйшәнбә күни аялларниң пәриҗисини кийип қачмақчи болғанда пакистан аманлиқни қоғдиғучи күчләргә тутулуп қалди.

Игилишимизгә қариғанда , җүмә күни пакистан һөкүмәт қисимлири билән болған тоқунушта өлгән талипларниң сани 21 гә йәткән. Сақчи вә аманлиқни қоғдиғучи қисимлар танка вә тик учарларниң ярдимидә қизил мәсчитниң темидин бир қанчә төшүк ачқан болсиму, лекин мушәррәп аманлиқни қоғдиғучи күчләргә һуҗумни вақтинчә тохтитиш буйруқи чүшүргән. Пакистан һөкүмәт әмәлдарлири абдулрәшид әзиз билән тәслим болуш шәртлири үстидә келишим һасил қилғанлиқини рәт қилмақта.

Бәзи көзәткүчиләрниң әскәртишичә, президент мушәррәп пакистанниң ғәрбий шималидики консерватип өлкиләрниң наразилиқидин әнсиригән болуши мумкин. Чүнки қизил мәсчитлик талипларниң көп қисими ғәрбий - шималдики бу өлкиләрдин кәлгән. Бу қетимқи тоқунуш қизил мәсчитлик талипларниң исламабадтики бир хитай паһишиханисиға бесип кирип, 6 нәпәр хитайни гөрүгә еливелишидин башланған, хитай һөкүмити талипларни җазалап беришни тәләп қилған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт