Qizil meschitlik taliplar rehbiri ölsimu teslim bolmamdu ?


2007-07-06
Share

Pakistan paytexti islam'abadtiki qizil meschitlik taliplar rehbiri ölsimu teslim bolmaydighanliqini bildürdi. Pakistan metbu'atlirining xewer qilishiche, abdulreshid ghazi, " biz shéhid bolushqa razimizki, teslim bolushni xalimaymiz" dep tekitligen.

Abdulreshid ghazi buningdin burun bezi shertler astida meschittin ayrilishqa maqul bolidighanliqini bildürgen bolup, bu shertler arisida abdulreshidning késelmen anisini dawalash qatarliqlar bar idi. Abdulreshid ghazining akisi mewlane abdul'eziz bolsa peyshenbe küni ayallarning perijisini kiyip qachmaqchi bolghanda pakistan amanliqni qoghdighuchi küchlerge tutulup qaldi.

Igilishimizge qarighanda , jüme küni pakistan hökümet qisimliri bilen bolghan toqunushta ölgen taliplarning sani 21 ge yetken. Saqchi we amanliqni qoghdighuchi qisimlar tanka we tik ucharlarning yardimide qizil meschitning témidin bir qanche töshük achqan bolsimu, lékin musherrep amanliqni qoghdighuchi küchlerge hujumni waqtinche toxtitish buyruqi chüshürgen. Pakistan hökümet emeldarliri abdulreshid eziz bilen teslim bolush shertliri üstide kélishim hasil qilghanliqini ret qilmaqta.

Bezi közetküchilerning eskertishiche, prézidént musherrep pakistanning gherbiy shimalidiki konsérwatip ölkilerning naraziliqidin ensirigen bolushi mumkin. Chünki qizil meschitlik taliplarning köp qisimi gherbiy - shimaldiki bu ölkilerdin kelgen. Bu qétimqi toqunush qizil meschitlik taliplarning islam'abadtiki bir xitay pahishixanisigha bésip kirip, 6 neper xitayni görüge éliwélishidin bashlan'ghan, xitay hökümiti taliplarni jazalap bérishni telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet