Әлқаидә , пакистанлиқларни һөкүмәткә қарши өч елишқа чақирди


2007.07.12
Share on WhatsApp
Share on WhatsApp

Пакистан армийиси " қизил мәсчит" кә қаратқан һәрбий һәрикитини аяғлаштурғандин кейин, пакистан даирилири тоқунушта өлтүрүлгән қораллиқ күчләрниң җәсәтлирини бир тәрәп қилиш ишлирини башливәтти.

Пакситан һөкүмити пәйшәнбә күни, тоқунушта қораллиқ күчләрниң 73 нәпири , пакистан армийисидин 10 нәпириниң өлгәнликини җәзимләштүрди.

Исламабадтики радикал диний оқуғучилар, пакистанда ислам қаидилирини күчәйтишини тәшәббус қилип, пакистан армийиси билән тоқунушқан иди. Икки тәрәп оттурисида елип берилған сөһбәт мәғлуб болғандин кейин, пакистан армийиси " қизил мәсчит" кә һуҗум қилди.

Бу арида "қизил мәсчит" ниң сабиқ рәһбири, тоқунушта өлгән қизил мәсчит оқуғучилириниң һәммисиниң " шеһит " һесаблинидиғанлиқини, һаят қалғанларниң исламий қаидә ‏- түзүмләрни қоғдаш үчүн күрәшни һәргиз тохтатмайдиғанлиқини билдүрди.

Пакистан даирилири нөвәттә, радикал диний күчләрниң пакистан һөкүмитигә қарши өч елиш характерлик һәрикәтләрни елип беришидин әндишә қилип, пүтүн хәлқни һушяр болушқа чақирди.

Әлқаидә тәшкилатиниң 2 ‏- номурлуқ йетәкчиси зәваһири, пакистанлиқларға мушәррәф һөкүмитиниң " қизил мәсчит" кә қарита елип барған һуҗумиға қарита өч елишини тәшәббус қилип , уларни диний уруш елип беришқа чақирди.

Нәччә онмиңлиған пакистан әскәрлири пакистанниң афғанистан билән чегрилинидиған районлирида топлинип ислам радикал күчлириниң өч елиш һуҗумлириға тақабил туруш үчүн тәйярланмақта . (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт