Elqa'ide , pakistanliqlarni hökümetke qarshi öch élishqa chaqirdi


2007.07.12
Share on WhatsApp
Share on WhatsApp

Pakistan armiyisi " qizil meschit" ke qaratqan herbiy herikitini ayaghlashturghandin kéyin, pakistan da'iriliri toqunushta öltürülgen qoralliq küchlerning jesetlirini bir terep qilish ishlirini bashliwetti.

Paksitan hökümiti peyshenbe küni, toqunushta qoralliq küchlerning 73 nepiri , pakistan armiyisidin 10 nepirining ölgenlikini jezimleshtürdi.

Islam'abadtiki radikal diniy oqughuchilar, pakistanda islam qa'idilirini kücheytishini teshebbus qilip, pakistan armiyisi bilen toqunushqan idi. Ikki terep otturisida élip bérilghan söhbet meghlub bolghandin kéyin, pakistan armiyisi " qizil meschit" ke hujum qildi.

Bu arida "qizil meschit" ning sabiq rehbiri, toqunushta ölgen qizil meschit oqughuchilirining hemmisining " shéhit " hésablinidighanliqini, hayat qalghanlarning islamiy qa'ide ‏- tüzümlerni qoghdash üchün küreshni hergiz toxtatmaydighanliqini bildürdi.

Pakistan da'iriliri nöwette, radikal diniy küchlerning pakistan hökümitige qarshi öch élish xaraktérlik heriketlerni élip bérishidin endishe qilip, pütün xelqni hushyar bolushqa chaqirdi.

Elqa'ide teshkilatining 2 ‏- nomurluq yétekchisi zewahiri, pakistanliqlargha musherref hökümitining " qizil meschit" ke qarita élip barghan hujumigha qarita öch élishini teshebbus qilip , ularni diniy urush élip bérishqa chaqirdi.

Nechche onminglighan pakistan eskerliri pakistanning afghanistan bilen chégrilinidighan rayonlirida toplinip islam radikal küchlirining öch élish hujumlirigha taqabil turush üchün teyyarlanmaqta . (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.