Amérikining sodidiki qizil reqimi 58 milyard dollargha yetti

Amérikining import we éksport sodisidiki qizil reqem perqi bu yil 1 - ayda 58 milyard dollargha yétip, amérika tarixida 2 - qétim eng yuqiri rékort yaratti. Import - éksport sodisidiki qizil reqem perqiy 2004 - yili 12 - ayda 56 milyard dollar idi. Buning ichide xitay bilen bolghan sodidiki qizil reqemning igiligen hejimi 15 milyard dollar bolup, 2004 - yili 12 - aygha sélishturghanda ٪ 7 köpeygen. Buning٪ 33 ni amérikining xitay bilen élip barghan tuqulma buyumlar import - éksport sodisidiki qizil reqimi igileydu.

Birleshme axbarat agéntliqining bildürüshiche, bu yil 1 - aydin bashlap xitay toqulma buyumlirigha qoyulghan cheklime bikar qilin'ghandin kéyin, bu ehwal amérika toqumichiliq karxanilirining xitaygha oxshash emgek küchi erzan döletlerge yötkilishini keltürüp chiqiriken.

Birleshme axbarat agéntliqi, cheklimini bikar qilish dunya toqulma buyumlar bazirini xitay towarlirining igilliwélish mümkinchiliki chongiyidu, dep körsetti. Amérikidiki karxanichilar hökümetning xitay toqulma mallirigha qarshi tedbir élishini telep qilishqa bashlighan.

Beziler, import - éksport sodisidiki qizil reqem, hökümetning xam chot qisqartish yolini tutup, iqtisadning éshish sür'itige tesir yetküzüshidin ensireydiken. Biraq amérika fédéral zapas fondining re'isi ellan grinsipan, sodidiki qizil reqemning xam chottiki qizil reqem bilen munasiwetsiz, dep körsetken. (Erkin)