Sabiq chéxislowakiye prézidénti bilen dalay lama birleshme imzaliq xet yézip, angsan suchini qollidi


2005-05-03
Share

Sabiq chéxislowakiye prézidénti waslaw xawél bilen tibetlerning rohani dahisi dalay lama we ataghliq pul - mu'amileshunas jorji soroslar, birma herbiy hökümitige birleshme imzaliq xet yézip, nezerbend astidiki bérma démokratiye herikitining rehbiri angsan suchi xanimni qollighan. Bérma herbiy da'irilirining angsan suchini dawamliq nezerbent astida tutuwatqanliqigha naraziliq bildürgen.

Qollash xétide mundaq déyilgen: " tarix bizge shuni uqturdiki, her qandaq igiz tam yaki qoral heqiqet we jaseretning sadasini tosiyalmaydu." Angsan suchi nobél tinchliq mukapatigha érishken bérma démokratiye herikitining ataghliq rehbiri.

Birleshme axbarat agéntliqining xewer qilishiche, dalay lama we waslaw xawillar xelq'ara jem'iyet duch kéliwatqan bezi jiddi riqabetlerge qarshi hemkarlishishni qobul qilghan.

Közetküchilerning bildürüshiche, ular otturisidiki hemkarliq türi b d t kishilik hoquq komitétini islah qilish qatarliq bir qatar mesililerni öz ichige alidiken. B d t ning bash katipi kofi annan, yéqinda kishilik hoquq komitétini islah qilishqa chaqirghan idi. B d t kishilik hoquq komitétining komisari, luyisa arbor, kishilik hoquq komitétini üzül - késil islah qilishni otturigha qoyghan.

Fransiye axbarat agéntliqining xewer qilishiche, b d t bu yil 6 - ayda kishilik hoquq komitétini islah qilish mesilisini muzakirige qoyidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet