Amérika xitayning yette shirkitige iqtisadi jaza yürgüzdi


2004.09.30
Share on WhatsApp
Share on WhatsApp

Amérika hökümiti iran'gha bashqurulidighan bomba we keng kölemde yoqitish xaraktérlik qoral- yaraq téxnikisini satqan yette xitay shirkitige iqtisadi jaza yürgüzgenlikini élan qildi.

Amérika tashqi ishlar ministirlikining charshenbe küni bildürüshiche, amérika 23 - séntebirdin bashlap,bu shirketlerge iqtisadi jaza yürgüzgen. Xitay shirketliri bilen bille yene, ikki neper héndistanliq kishi, shundaqla rosiye, okra'iniye, ispaniye, bélorosiye we shimaliy koriyining besh shirkitimu amérika hökümitining iqtisadi jazasigha uchrighan. Iqtisadi jazagha asasen, mezkur shirketler we kishilerning ikki yil ichide amérika hökümiti bilen her qandaq tijaret élip bérishi we amérikidin yuqiri téxnikilarni sétiwélishi cheklinidu.

2000 - Yili amérikida maqullan'ghan "iranda keng kölemlik yoqitish xaraktérlik qorallarning kéngiyishini cheklesh qanuni" boyiche, hazirgha qeder 23 shirket we kishi iqtisadi jazagha uchridi. Buning ichide xitay shirketliri köp sanni igileydu. Amérika hökümiti iranni yadro qorallarni wexpi halda tereqqi qildurmaqta dep eyiblimekte. Emma, iran bolsa buni ret qilip kelmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.