Qush zukami asiya döletliride qaytidin otturigha chiqti


2007.12.15

Asiyadiki bir qisim döletlerde qush zukami qaytidin otturigha chiqip, jan élishqa bashlidi. Amérika birleshme agéntliqining xewer qilishiche, jüme küni hindonéziyide yene bir kishi qush zukami bilen ölgen bolup, buning bilen hindonéziyide qush zukami bilen ölgenlerning sani 93 kishige yetken.

Bu arida shenbe küni, pakistan sehiye minstirliqining aliy derijilik bir xadimi, ötken ikki ay ichide pakistanning gherbiy shmal rayonigha jaylashqan lashari shehiride bir kishining qush zukami bilen ölgenlikini we 6 kishide qush zukami wirusi bilen bayqalghanliqini, bildürdi.

Dunya sehiye teshkilatining bildürüshiche, mushu ayning bashlirida xitayning nenjin shehiride 24 yashtiki bir kishi qush zukami késelliki bilen ölgen yene bir kishining bolsa qush zukami wirusi bilen yuqumlan'ghanliqi éniqlan'ghan. Shuningdek, birma da 7 yashtiki bir qizning qush zukami wirusi bilen yuqumlan'ghanliqi bayqalghan. Xewerlerge qarighanda, bu bérmada tunji qétim bir kishining qush zukami wirusi bilen yuqumlan'ghanliqi bolup hésablinidiken.

Dunya sehiye teshkilatining xewer qilishiche, 2003‏- yilidin yeni qush zukami wirusi tunji qétim xitay qatarliq bezi asiya döletliride otturigha chiqqandin buyan 340 kishining mezkur wirus bilen yuqumlan'ghanliqi bayqalghan bolup, ularning 208 nepiri ölgen. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.