Dunya sehiye teshkilati xelq'ara jem'iyetni qush zukimidin segek bolushqa chaqirdi
Pakistan we birmilarda yéngi qush zukimi yuqumdarliri bayqalghanliqi melum bolghandin kéyin 17- dékabir düshenbe küni dunya sehiye teshkilati qush zukimining qayda edep kétish xetiri barliqini bildürüp dunyadiki bashqa döletlerni bu zukamdin segek bolush heqqide agahlandurush berdi.
Dunya sehiye teshkilati xadimliri yuqumlinish ehwali we wirus tipini ayrish üchün pakistan'gha yétip keldi. Melum bolushiche, ular doxturxanilarda we yuqumlinish bayqalghan rayonlarda tekshürüsh élip baridiken.
Dunya sehiye teshkilati gherbiy tinch okyan rayonining bayanatchisi pétir kordingléyning birleshme agéntliqigha bildürgenlirige qarighanda, teshkilat xadimliri pakistan hökümiti sehiye ministirliki we yéza igilik ministirliki bilen uchur almashturush alaqisini kücheytken. Uning bildürüshiche yene, ilgiri pakistan hökümet xadimliri yéngidin bayqalghan qush zukimining yuqumlinish ehwalni dunya sehiye teshkilatigha waqtida doklat qilmighan iken.
Xewerde körsitilishiche, pakistanning paytexti islam'abadqa yéqin jaylashqan abbot'abad shehiride 4 aka-uka we ularning bir newre tughqini we bu rayondiki qushxanida üch qassapning H5N1 tipliq qush zukimi wirusi bilen yuqumlan'ghanliqi bayqalghan bolup, bu töt aka-ukining ikkisi mezkur wirusta qaza qilghan.
Dunya sehiye teshkilati bayanatchisi grégory xartlining bildürüshiche, hazirche mezkur wirusning ademdin ademge yuqush ehwali bayqalmighan. Emma u: "gerche hazirghiche bu wirusning ademdin ademge yuqush ehwali muqimlashturulmighan bolsimu, emma biz hazir yuqiri derijide segek turuwatimiz" dégen.
Aldinqi jüme küni, birmida 7 yashliq bir qizning mezkur wirus bilen yuqumlinip hayat qalghanliqi xewer qilin'ghandin bashqa mushu hepte axiri gérmaniye we bashqa döletlerdimu mushu xil wirustin yuqumlinish ehwali bayqalghan.
Melum bolushiche, yéqinda xitayda ikki ademde bu xil wirus bayqalghan bularning ichide birsi ölgen. 2003 - Yilida pütün dunya boyiche 208 adem H5N1 tipliq qush zukimi wirusi bilen ölgen idi.
Munasiwetlik maqalilar
- Qush zukami asiya döletliride qaytidin otturigha chiqti
- Xitayda 50 milyon adem eydiz bilen yuqumlinish xewpide yashawatidu
- Xitayda eydiz yuqumdarlirining sani 700 minggha yetti
- 'Xitayche zamaniwiy késellik' ke giriptar boluwatqan kishilerning sani 16 milyon'gha yetti
- Dunya buyiche eydiz yuqumliri sani töwenlidi
- Xitayda qush zukimi ördeklerde bayqaldi
- Xitayda eydizning köpiyishige munasiwetlik yéngi seweb élan qilindi
- Xitay dunyadiki itiwarini qaytidin tiklesh üchün bezi shirketlerni taqashqa bashlidi
- Yuqumluq qush zukami wirusi pütün yersharigha tarqalmaqta
- Muhit bulghinishidin xitayda her yili yüz minglighan adem ölmekte
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
