Дуня сәһийә тәшкилати асияда қуш зукиминиң ямрап кетиши мумкинликини агаһландурди


2005-02-23
Share

Дуня сәһийә тәшкилати чаршәнбә күни асияда тез тарқиливатқан қуш зукиминиң, асиядики һәтта пүтүн дунядики хәлқләрниң саламәтликигә тәһдит болиши мумкинликини агаһландурди.

Дуня сәһийә тәшкилатиниң шәрқий тинч-окян райони ишлириға мәсул мудири шигеру оми бу сөзләрни вейтнамда ечилған бир йиғинда қилған болуп, у йәнә, қуш зукиминиң һазир наһайити тез тарқиливатқанлиқини, шу сәвәптин бу кесәлниң техиму нурғун кишиләрниң җениға замин болуши мумкинликини әскәртти.

Йиғинға қатнашқан дуня сәһийә тәшкилати мутәхәсислиридин сирт йәнә, дуня ашлиқ вә деһқанчилиқ тәшкилати, дуня һайванлар сағламлиқи тәшкилати вә бирләшкән дөләтләр тәшкилати вәкиллири бирликтә һәр қайси дөләтләрниң бу кесәлниң алдини елишта көп күч чиқириши керәкликини тәкитлиди.

Мутәхәссисләрниң мәлум қилишичә, қуш зукимиға охшаш тарқилишчан зукам кесили инсанларда һәр 30 - 20 йилда бир әвҗ еливатқан болуп, буларниң арисида қуш зукиминиң инсанларда тарқилиши бир қәдәр тез болидикән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт