Dunya sehiye teshkilati asiyada qush zukimining yamrap kétishi mumkinlikini agahlandurdi

Dunya sehiye teshkilati charshenbe küni asiyada téz tarqiliwatqan qush zukimining, asiyadiki hetta pütün dunyadiki xelqlerning salametlikige tehdit bolishi mumkinlikini agahlandurdi.

Dunya sehiye teshkilatining sherqiy tinch-okyan rayoni ishlirigha mes'ul mudiri shigéru omi bu sözlerni wéytnamda échilghan bir yighinda qilghan bolup, u yene, qush zukimining hazir nahayiti téz tarqiliwatqanliqini, shu seweptin bu késelning téximu nurghun kishilerning jénigha zamin bolushi mumkinlikini eskertti.

Yighin'gha qatnashqan dunya sehiye teshkilati mutexesisliridin sirt yene, dunya ashliq we déhqanchiliq teshkilati, dunya haywanlar saghlamliqi teshkilati we birleshken döletler teshkilati wekilliri birlikte her qaysi döletlerning bu késelning aldini élishta köp küch chiqirishi kéreklikini tekitlidi.

Mutexessislerning melum qilishiche, qush zukimigha oxshash tarqilishchan zukam késili insanlarda her 30 - 20 yilda bir ewj éliwatqan bolup, bularning arisida qush zukimining insanlarda tarqilishi bir qeder téz bolidiken. (Peride)