Dunya sehiye teshkilati, qush zukimining bashqa rayonlargha tarqilishidin endishe qilmaqta


2005.06.28

Dunya sehiye teshkilati xadimliri, xitayda otturigha chiqqan qush zukimining mezkur wirus bilen yuqumlan'ghan xitaydiki yawa qushlar arqiliq kelgüsi bir nechche ay ichide xitaygha qoshna rayonlargha yiyilishi mumkinliqini bildürdi. Ularning bildürüshiche, her yili séntebir éyida, rayondiki yawa qushlar köchüshke bashlaydighan bolup, bu qushlar xitayda yuqturuwalghan qush zukimini özliri bilen birge bashqa rayonlargha élip bérishi mumkin iken.

Ularning éytishiche, xitayning bu yawa qushlarning bashqa rayonlargha köchüshining aldini élish imkaniyiti yoq iken.

Qush zukimi késelliki, may éyida xitayning chingxey ölkiside otturigha chiqqan bolup, hazirghiche mezkur késelliktin chingxeyde 5000 din artuq yeni hökümetning élan qilghinidin besh hesse köp qush ölgen. Qush zukimi késelliki peqet chingxey ölkisidila emes, Uyghur élidimu bayqalghan.

Qush zukimining qaytidin otturigha chiqishi, mezkur wirusning aldini élish üchün pa'aliyet élip bériwatqan mutexessislerni endishilendürmekte. Ular bolupmu bu wirusning haywanlardin ademlerge asan yuqudighan bir wirus sheklige aylinip pütün dunyagha tarqilip kétishidin endishe qilmaqta. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.