Yawropa ittipaqi, rusiye we qazaqistandin qush we qush peylirini import qilishni cheklidi


2005.08.08

Yawropa ittipaqi ijra'iye komitéti düshenbe küni yawropa ittipaqi döletlirini qush zukimi késellikining yawropa döletlirige tarqilishining aldini ilish üchün, 12 - awghusttin bashlap, rusiye we qazaqistandin janliq qush we qush péyi import qilishini chekleshke chaqirdi.

Yawropa ittipaqi ijra'iye komitéti teripidin bu munasiwet bilen élan qilin'ghan bayanatta, rusiye we qazaqsitanning yawropa ittipaqigha qush, qush göshi ékisport qilishi cheklen'gen xitay, pakistan we wéytnam qatarliq 9 dölet tizimlikige kirgüzülgenliki bildürülgen.

Rusiye hökümet xadimliri 29 - iyul küni sibiriyidiki nowsibirsk ölkiside qush zukimi késellikining bayqalghanliqini jakarlighan idi. 2003 - Yili sherqi jenubiy asiya döletliride otturigha chiqqan mezkur késelliktin hazirghiche az dégende 60 kishi ölgen.

Tibbiy mutexessisler, qushi zukimi késelliki xitayning gherbiy rayonlirida bayqalghandin kéyin, bu késellikning rusiye we qazaqisitan'ghimu tarqilishi mumkinliqini aldin bildürgen idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.