قۇشى زۇكىمى كېسەللىكى سىبىرىيىدىن رۇسىينىڭ باشقا رايونلىرىغىمۇ تارقىلىشى مۇمكىن ئىكەن


2005.08.09

رۇسىيە سەھىيە مىنىستىرلىقى خادىملىرى سەيشەنبە كۈنى، رۇسىيىنىڭ سىبىرىيە رايونىدا ئوتتۇرىغا چىققان قۇش زۇكىمى كېسەلىكىنىڭ باشقا رايونلارغا تارقىلىشى مۇمكىنلىقىنى بىلدۈردى. ئۇلارنىڭ ئېيتىشىچە، كېسەللىكنىڭ تارقىلىشىنىڭ ئالدى ئېلىنغانلىقى ھەققىدە ھېچقانداق بىشارەت مەۋجۇت ئەمەس ئىكەن.

2003- يىلى ئاسىيا قىتئەسىنىڭ بەزى رايونلىرىدا ئوتتۇرىغا چىققان قۇش زۇكىمى كېسەللىكىدىن ھازىرغىچە 50 دىن ئارتۇق ئادەم ئۆلگەن. مەزكۇر كېسەللىك ئىيۇل ئېيىنىڭ ئوتتۇرىلىرىدا ئاۋۋال رۇسىيە، ئاندىن قازاقسىتاندىمۇ بايقالغان ئىدى.

رۇسىيە جىددىي ھالەت مىنىسىتىرلىقىنىڭ بىلدۈرۈشىچە، ئىيۇل ھازىرغا قەدەر رۇسىيىدە مەزكۇر كېسەللىك سەۋەبىدىن 5583 ياۋايى ۋە ئۆي قۇشى ئۆلگەن.

بۇ ئارىدا ئۆزبېكىستان زىرائەت مىنستىرلىقى، قازاقىستان ۋە رۇسىيىدىن ھەر تۈرلۈك قۇش، توخۇ ۋە تۇخۇم ئىمپورتىنى چەكلىگەنلىكىنى جاكارلىدى. (قانات)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.