Amérika bashchiliqida yer shari qush zukam wirusining aldini élish orgini quruldi


2005.09.16

Amérika prézidénti jorji bush, b d t bashliqlar yighinida qush zukam wirusigha qarshi yer shari xaraktérlik organ qurushqa yitekchilik qilidighanliqini jakalighandin kéyin, dunya sehiye teshkilati peyshenbe amérika hökümet da'iriliri bilen axbarat élan qilish yighini chaqirip, hazirghiche 16 döletning mezkur organ'gha qatnashqanliqini élan qildi.

Bu döletler argintina, awstraliye, kanada, yaponiye, rusiye malayshiya, sin'gapor, en'giliye, hindistan we wéytnam, taylandlarni öz ichige alidiken. Xitay qush zukam wirusining hujumigha uchrighan dölet bolsimu, emma mezkur organ'gha hazirghiche qatnashmighan.

Amérika tashqi ishlar ministirliqidiki emeldarlar, xitayning néme üchün bu organ'gha qatnashmighanliqini chüshendürmidi. Ularning tekitlishiche, prézidént bush, xitay dölet re'isi xu jintaw bilen uchrashqanda qush zukam wirusigha qarshi tedbir élish mesilisini otturigha qoyghan.

Xitayda tipliq qush zukam wirusi, bu yil 4 - we 5 - aylarda chingxey ölkisi we Uyghur aptonom rayonidiki chöchek, sanji qatarliq jaylarda bayqaldi. Emma xitay hökümiti dunya sehiye teshkilatining chöchek we sanjilarda tekshürüsh élip bérish telipini ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.