Qush zukam wirusi 150 milyon insanning jénigha zamin bolushi mumkin

B d t sehiye da'iriliri qush zukam wirusining tarqilish xewpi her waqit mewjut ikenlikini agahlandurup, 5 milyondin 150 milyon'ghiche insanning bu wirustin ölüsh éhtimali barliqini bildürdi.

Dunya sehiye teshkilatining emeldari deywid nabarro, qush zukam wirusining özgergen türi asiyada qaytidin tarqilishi mumkin, dep körsetti.

Nabarroning tekitlishiche, eger bu wirus tarqilip ketse, kishilerning hayati pewqul'adde we éghir buzghunchiliqqa uchraydiken. Qush zukam wirusi 2003 - yildin béri asiyadiki toxu we yawayi qushlarda bayqilishqa bashlighan.

Mezkur wirus bu yilning bashlirida xitayning chingxey rayonida bayqalghandin kéyin uzun ötmey, Uyghur aptonom rayonidiki chöchek we sanji qatarliq jaylarda bayqaldi. Emma xitay hökümiti dunya sehiye teshkilati xadimlirining bu jaylarda tekshürüsh élip bérishigha ruxset qilmighan.

Nabarroning tekitlishiche, qush zukam wirusining tarqilish sür'iti yer sharining issip kétishi yaki eydiz wirusining tarqilish sür'itidin 10 hesse téz iken. U, eger bu wirus kontrol qilinmisa, dunya boyiche 5 milyondin 150 milyon'ghiche insanning ölüdighanliqini agahlandurdi. (Erkin)