Qush zukimi wirusi asasliq asiya döletliride köp taralmaqta

Dunya sehiye teshkilatining aliy derijilik xadimi, her qaysi döletlerdin jiddiy tedbir qollinip, qush zukimining tarqilip kétishining aldini élishni yene bir qétim telep qildi.

Royétris agéntliqining 12 ‏- yanwar küni bergen xewiridin melum bolushiche, gerche köpligen döletlerning hökümetliri zor tirishchanliq körsitip qush zukimining aldini éliwatqan bolsimu, emma qush zukimining chong kölemde partlash xewpi yenila mewjut iken.

Hazirgha qeder xitay, qazaqistan we wéytnam qatarliq asiya döletliride qush zukimi wirusi bilen yuqumlan'ghan bir qanchilighan bimarlar qaza qilghan bolup, charshenbe küni hindonéziyide 12 adem mezkur wirus bilen ölgen. Buningdin sirt türkiyidimu mezkür wirus bilen bir a'ilidin 3 bala biraqla hayatidin ayrilghan idi.

Dunya sehiye teshkilati, asiya döletliride peyda bolghan jan'gha zamin bu xil wirustin endishe qiliwatqan bir peytte, türkiyidimu bu xil ehwalning otturigha chiqishi, yawrupada qush zukimi wirusining peyda bolush endishisini kücheytmekte. (Eqide)