Amérika hökümiti chapqunning tesirige uchrighan rayonlarda qutquzush ishlirini jiddiy élip barmaqta


2005.08.31

Amérika herbiy da'iriliri charshenbe küni, dingiz chapqunining tesirige uchrighan rayonlargha qaratqan yardemni kücheytip, u yerge téximu köp déngiz armiye paraxot - ayropilanlirini ewetti. Bular, doxturxana eswabliri qachilan'ghan dawalash paraxotliri we su üstige qonalaydighan ayrupilanlar bolup, ular chapqun tesiridin su bésip ketken rayonlarda qutquzush we dawalash ishlirini élip baridiken.

Roytéris agéntliqining bildürishiche, dingiz chapquni sewebidin lu'izi'ana shitatining yéngi orli'an shehiridiki ikki su tosmisi yérilip kétip, sheherning 80٪ jayini su bésip ketken. Nöwette quruqluq armiyisining inʹ'énérliri su tosmisining buzulghan qisimlirini yasashqa tirishmaqta. Shundaqla hazir apet rayonlirida yene 10 minggha yéqin muhapizetchi eskerler qutquzush ishlirini élip barmaqta.

Apet sewebidin amérika prézidénti jorj bush dem élishini baldur axirlashturup, charshenbe küni aq saraygha qaytip keldi hemde mexsus yighin uyushturup, fédéral organlar bilen apet rayonlirigha qandaq yardem qilish tedbirliri üstide söhbet ötküzdi.

Katirina dep atalghan bu déngiz chapquni amérikining jenubidiki lu'izi'ana, missisipi, alabama we florida shitatlirigha shiddet bilen hujum qilip, hazirghiche 100 din oshuq kishining jénigha zamin boldi. Shundaqla hazir saqchi da'iriliri ölgen ademler sanining yene téximu köpiyishi mumkinlikini ilgiri sürmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.