كۆپ قىسىم ئامېرىكىلىقلار خىتاينى يەنىلا تەھدىد ھېسابلايدىكەن


2005-01-13
Share

ئامېرىكىدا يېقىندا ئېلىپ بېرىلغان بىر قېتىملىق خەلق رايىنى سىناشنىڭ نەتىجىسىدىن ئاشكارىلىنىشىچە، گەرچە ئامېرىكىلىقلارنىڭ خىتايغا بولغان قارىشى ئىلگىرىكىدىن ياخشىلانغان بولسىمۇ، ٪ 60 ئامېرىكىلىق يەنىلا خىتاينى يوشۇرۇن ئىقتىسادىي ۋە ھەربىي تەھدىد دەپ قارايدىكەن.

ئامېرىكا بىرلەشمە ئاخبارات ئاگېنتلىقىنىڭ بىلدۈرۈشىچە، بۇ قېتىملىق رايى سىناش، مەركىزى نيو- يوركتىكى تەشكىلات "يۈز كىشىلىك كومىتېت" نىڭ تەشەببۇسى بىلەن ئېلىپ بېرىلغان. ئۇلار ئون يىل بۇرۇنمۇ ئوخشاش تۈردىكى رايى سىناشنى ئېلىپ بارغان.

"يۈز كىشىلىك كومىتېت" نىڭ پەيشەنبە كۈنى ئاشكارىلىشىچە، كۆپ قىسىم ئامېرىكىلىقلار خىتاينىڭ بازار ئىگىلىكى يولىغا قاراپ ماڭغانلىقى ۋە بارغانسىرى ئىقتىسادىي كۈچلۈك بىر دۆلەتكە ئايلىنىۋاتقانلىقىغا ئىجابىي قارايدىكەن. بىراق خىتاينىڭ كىشىلىك ھوقوق خاتىرىسى يەنىلا ئامېرىكىلىقلار ئەڭ ئەندىشە قىلىدىغان مەسىلە بولۇپ،٪ 70 ئامېرىكىلىقلار خىتاينىڭ كىشىلىك ھوقۇق مەسىلىسىنى خىتاي ماللىرىنىڭ ئامېرىكا بازىرىغا كىرىش- كىرمەسلىكىگە باغلاش كېرەك دەپ ئويلايدىكەن.

بۇنىڭدىن سىرت،٪ 60 ئامېرىكىلىقلار، ئامېرىكىدىكى ئىش پۇرسىتىنىڭ خىتايغا ئېقىپ كېتىۋاتقانلىقىدىن ۋە خىتاينىڭ دۇنيا ئېكولوگىيىسىگە ئېلىپ كېلىدىغان بۇزغۇنچىلىقلىرىدىن ئەندىشە قىلىدىكەن. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت