Köp qisim amérikiliqlar xitayni yenila tehdid hésablaydiken

Amérikida yéqinda élip bérilghan bir qétimliq xelq rayini sinashning netijisidin ashkarilinishiche, gerche amérikiliqlarning xitaygha bolghan qarishi ilgirikidin yaxshilan'ghan bolsimu, ٪ 60 amérikiliq yenila xitayni yoshurun iqtisadiy we herbiy tehdid dep qaraydiken.

Amérika birleshme axbarat agéntliqining bildürüshiche, bu qétimliq rayi sinash, merkizi nyo- yorktiki teshkilat "yüz kishilik komitét" ning teshebbusi bilen élip bérilghan. Ular on yil burunmu oxshash türdiki rayi sinashni élip barghan.

"Yüz kishilik komitét" ning peyshenbe küni ashkarilishiche, köp qisim amérikiliqlar xitayning bazar igiliki yoligha qarap mangghanliqi we barghansiri iqtisadiy küchlük bir döletke ayliniwatqanliqigha ijabiy qaraydiken. Biraq xitayning kishilik hoqoq xatirisi yenila amérikiliqlar eng endishe qilidighan mesile bolup,٪ 70 amérikiliqlar xitayning kishilik hoquq mesilisini xitay mallirining amérika bazirigha kirish- kirmeslikige baghlash kérek dep oylaydiken.

Buningdin sirt,٪ 60 amérikiliqlar, amérikidiki ish pursitining xitaygha éqip kétiwatqanliqidin we xitayning dunya ékologiyisige élip kélidighan buzghunchiliqliridin endishe qilidiken. (Arzu)