ئامېرىكا ۋە كانادادىكى پۇقرالارنىڭ يېرىمىدەكى خىتاينىڭ دۇنيا تىنچلىقىغا تەھدىد ئېلىپ كېلىشىدىن ئەندىشە قىلىدىكەن


2005.06.12
Share on WhatsApp
Share on WhatsApp

شىمالىي ئامېرىكا قىتئەسىدىكى ئاممىۋى ئىشلارنى تەتقىق قىلىدىغان بىر شىركەتنىڭ ئېلان قىلغان ئەڭ يېڭى خەلق رايىنى سىناش دوكلاتىدىن ئاشكارىلىنىشىچە، ئامېرىكا ۋە كانادادىكى يېرىمدەك پۇقرالار خىتاي تەھدىدى قارىشىغا قوشۇلىدىكەن.

دوكلاتقا قارىغاندا، ٪ 54 ئامېرىكىلىق ۋە ٪ 40 كانادالىق " ئەگەر خىتاي دۇنيادا دەرىجىدىن تاشقىرى چوڭ دۆلەتكە ئايلانسا، دۇنيانىڭ تىنچلىقىغا تەھدىد ئېلىپ كېلىدۇ" دەپ قارايدىكەن. ئۈچتىن ئىككى قىسىم ئامېرىكىلىقلار ۋە يېرىمدەك كانادالىقلار خىتاينىڭ ئۆز دۆلەتلىرىدىكى ئىش تېپىش پۇرسىتىگە ئېغىر تەھدىد ئېلىپ كېلىدىغانلىقىغا ئىشىنىدىكەن.

ئامېرىكا بىرلەشمە ئاخبارات ئاگېنتلىقىنىڭ خەۋىرىگە قارىغاندا، مەزكۇر شىركەت 4 - ئايدا مىڭدەك ئامېرىكىلىق ۋە كانادالىقنىڭ رايىنى سىناش ئېلىپ بارغان. شىركەت مەسئۇلىنىڭ تونۇشتۇرۇشىچە، ئامېرىكىلىقلار، كانادالىقلارغا قارىغاندا خىتاينىڭ كۈچىيىشىگە تېخىمۇ ئەندىشە بىلەن قارايدىكەن.

بىراق دوكلاتتىن مەلۇم بولۇشىچە، كۆپلىگەن ئامېرىكىلىق ۋە كانادالىقلار خىتاينىڭ خەلقئارادا كۈنسېرى مۇھىم رول ئوينىشىنىڭ خىتايدىكى دېموكراتىيىنى ئىلگىرى سۈرىشىگە ئىشەنمەيدىكەن. (ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت