Köp qisim yaponiyilikler xitayni yaxshi körmeydu


2005.10.06

Yaponiye gézitining eng yéngi élan qilghan bir tekshürüsh doklatidin melum bolushiche, köp qisim yaponiyilikler xitayni yaxshi körmeydu.

Yaponiye künlük xewer géziti peyshenbe küni puqralarning, yaponiyining eng chong soda shériki bolghan xitay we amérika heqqidiki qarashliri üstide élip barghan memliket xaraktérlik tekshürüsh doklatining netijisini élan qildi.

Üch minggha yéqin kishi bu qétimqi tekshürüshni qobul qilghan bolup, ularning 68٪ i xitaygha yaxshi tesiratining yoqliqini bildürgen. Peqet 30 ٪ kishi xitayni yéqin köridighanliqini ipadiligen. Buning eksiche, tekshürülgüchilerning 65٪ i amérikini yéqin his qilidighanliqini bildürgen.

Tekshürüsh netijisidin qarighanda, yaponiye yashlirining xitaygha bolghan öchmenliki küchlük iken. Yéqindin buyan, yaponiye we xitay munasiwiti sherqiy déngizdiki taqim aralliri mesilisi, yaponiyining yéngi tarix derslikini tesis qilishi qatarliq türlük sewebler tüpeylidin jiddiyleshken idi. Kündilik xewer gézitining mulahize qilishiche, ikki dölet munasiwiti biwaste yaponiye puqralirining xitaygha qarshi keypiyatini küchlendürgen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.