Amérika ‏- yaponiye ortaq pilan tüzüp teywenni qoghdash heqqide muzakire élip barmaqchi

Yaponiye metbu'atlirining peyshenbe küni xewer qilishiche, teywen qirghiqida tuyuqsiz weqe yüz bérip qélishining aldini élish üchün, amérika bilen yaponiye ikki dölet hökümiti ortaq bir pilan tüzüp, bu yil 2 ‏- ayda bu heqte mexsus muzakire élip bérishni qarar qilidiken.

Közetküchiler, bu heriket xitayning sherqiy asiyadiki rolining küchiyip kétishining aldini élish üchün élip bérilghan dep qiyas qilishmaqta. Bu arida xitay tashqi ishlar ministirliqining bayanatchisi lyu jenchaw muxbirlarni kütiwilish yighinida, junggu bu mesilige alahide köngül bölidu, teywen jungguning ayrilmas bir qismi, yaponiye bilen amérika otturisida teywen üchün élip bérilidighan her qandaq bir heriket , bir junggu prinsipigha hörmet qilghan asasta bolushi kérek" dédi.

Teywen prizidénti chén shuybyen 8 ‏- yaniwar küni ottura amérika döliti ni'agarada ziyarette bolmaqchi, u ni'agara ziyaritide qaysi waqitta amérika chégrisidin ötüsh heqqide éniq melumat bermidi. Lyu jenchaw, axirida amérikining teywen bilen herqandaq bir shekilde diplomatiye munasiwiti élip bérishigha bolmaydighanliqini, chén shüybyenning amérikida pa'aliyet élip bérishigha qet'iy yol qoyulmaydighanliqini tekitlidi. (Eqide)