Pentagon: xitay, amérikining eng chong herbiy reqibi

Pentagon yeni amérika dölet mudapi'e ministirliqi jüme küni chiqarghan bir parche doklatida, xitayni amérikining herbiy sahediki eng chong reqibi dep körsetti.

Amérika dölet mudapi'e ministirliqining 4 yildin buyanqi közitishige asasen chiqarghan bu doklatida, xitay ilgiri muqim haletni saqlighan bolsimu, lékin 1996‏- yilidin bashlap, mexpiy halda herbiy küchi qurulushini kéngeytkenliki otturigha qoyulghan.

Pentagon doklatida, " xitay‏- amérikining en'eniwiy herbiy üstünlikige taqabil turush üchün yoqitish xaraktérlik herbiy téxnikilarni tereqqiy qildurush éhtimalliqi eng chong bolghan dölettur" dep yazghan. Amérika dölet mudapi'e ministirliqining siyaset chiqirish ishlirigha mes'ul mu'awin sékritari rayin xénnri, amérika herbiy terep, xitayning herbiy tereqqiyatini xelq'aradin yoshurmasliqini ümid qilidighanliqini hemde herbiy pilani heqqidiki meqsitini chüshendürüshi kéreklikini bildürdi.

Doklatta gerche xitayning herbiy tehditi tekitlensimu, lékin amérikining yenila xitayning tinch iqtisadiy tereqqiyat yolini we siyasiy erkinlik prinsipini tallishini bekrek qollaydighanliqi eskertildi. (Peride)