Amérika, xelq'ara kechürüm teshkilatining eyiblishini ret qildi


2005-05-26
Share

Amérika dölet mudapi'e ministirliqi bayanat élan qilip, xelq'ara kechürüm teshkilatining amérikini gu'antanamo herbiy bazisida tutup turiliwatqan mehbuslarning kishilik hoquqini depsende qildi, dégen eyiblishini ret qildi.

Xelq'ara kechürüm teshkilati charshenbe küni, döletlerning kishilik hoquq weziyiti heqqide élan qilghan yilliq doklatida, amérikining gü'entanamodiki mehbuslargha tutqan pozitsiyisi toghra bolmighanliqtin, mehbuslarni qiynash qilmishlirigha wastiliq yol qoyulghanliqi körsitilgen. Ular yene, amérikining mehbuslarni sotlimay tutup turushini qattiq eyibligen.

Amérikining kubadiki gü'entanamo herbiy bazisida afghansitanning sabiq taliban hakimiyiti we el- qayde teshkilati bilen munasiwetlik dep eyiblen'gen 540 neper mehbus tutup turulmaqta.

Amérika dölet mudapi'e ministirliqi bayanatida, xelq'ara kechürüm teshkilatining eyiblishini ret qilip, " düshmen küchlerning jengchilirini tutup turush jinayet emes. Belki ularning térrorchiliqqa qarshi köreshte dawamliq amérikigha hojum qilishining aldini élish" dep bildürgen.

Xelq'ara kechürüm teshkilati doklatida, amérikidin sirt yene, xitay, sudan, rusiye qatarliq döletlerningmu kishilik hoquq xatirisini qattiq eyibligen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet