Кондолиза райс америка кеңәш палатаси ташқи ишлар комитетиниң мақуллишидин өтти


2005-01-19
Share

Америка кеңәш палатаси ташқи ишлар комитети икки күнлүк испат бериш йиғинидин кейин чаршәнбә күни беләт ташлап кондолиза райсниң америка ташқи ишлар министири болуш намзатлиқини қобул қилди.

Кеңәш палатаси ташқи ишлар комитетида елип берилған икки күнлүк испат бериш йиғи &# xFEE8;и җәрянида, димократчи палата әзалири кондолиза райсни ирақ мәсилисидә күчлүк сораққа тартти.

Әмма кондолиза райс ираққа һуҗум қилиш қарарини ақлап, америкиниң садам һакимийитини ағдуруп ташлишиниң тамамән тоғра икәнликидә чиң турди. У йәнә, америкиниң буниңдин кейин хәлқара җәмийәт билән диалогини күчәйтип, ирақ мәсилидики иттипақдаш дөләтләр билән болған ихтилапларни йоқутушқа тиришиши керәкликини әскәртти.

Америкиниң хитай билән болған мунасивити һәққидә тохталған кондолиза райс, өзи министирлиққа сайланғандин кейин, америка-хитай һәмкарлиқ мунасивәтлирини давамлаштуруш билән биргә, депломатик йоллар билән америкиниң ташқи содисини риғбәтләндүрүп, америка билән хитай оттурисидики сода тәңпуңсизлиқини тәңшәшкә тиришидиғанлиқини билдүрди.

Әгәр 50 яшлиқ кондолиза райс пәйшәнбә күни америка кеңәш палатасиниң пүтүнләй мақуллишиға еришсә, у америка тарихидики тунҗи қара тәнлик ташқи ишлар министири болуп һесаблиниду. (Пәридә )

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт